Бишкек шаарындагы Көк-Жар конушунун тургундары нааразычылык акциясын дале улантышууда. Чогулган эл аймактагы бир гектардан ашык жердеги бак-дарактарды кыйып үйлөрдү курууну токтоону талап кылып жатышат. Көк-Жардын тургундары Бишкек шаардык бийликти "жер жана айлана-чөйрөнү коргоо жөнүндөгү мыйзамдарды бузуп, коррупциялык аракеттерди токтотпой жатат" деп айыпташууда. Бирок шаардык архитектуранын өкүлдөрү буга эч кандай комментарий беришкен жок. Эске салсак, акция 6-июнь күнү башталган.