МИГРАНТТАР 5 АЙДА 690 МИЛЛИОН ДОЛЛАР КОТОРУШТУ...

• Жогорку Кеңеш СОТТОРДУ ТАНДОО КЕҢЕШИНЕ 4 талапкердин үчөөсүн бекитти.
• Бишкек шаарында журналист ГЕННАДИЙ ПАВЛЮКТУН уурдалып кеткен эстелиги "Ала-Тоо" конушундагы үйлөрдүн биринен талкаланган түрүндө табылды.
• "Ата Мекен" фракциясынын депутаты Гүлниза Бейшенбаева өз эрки менен мандатын тапшырып, анын ордун САЯДУЛЛО НЫШАНОВ толуктады.
• Жатак үйлөрдө турган жаш балдардын тамак-ашына бөлүнүүчү төлөмдүн көлөмү 50 ПАЙЫЗГА ЖОГОРУЛААРЫН Социалдык өнүктүрүү министринин орун басары Гүлнара Дербишева билдирди.
• 7 томдон турган КЫРГЫЗ ТАРЫХЫ жакын арада жазылып чыкмакчы. Ага 5 миллион сомду депутат Алтынбек Сулайманов бөлүп берди.
• 29-июндан баштап АЛМАТЫ-ТАМЧЫ-АЛМАТЫ аба каттамы жүрө баштайт.
• Ош окуясында дайынсыз жоголгондордун жакындары 1 МИЛЛИОН СОМДОН компенсация алып бүтүштү.
• Кытайдын жогорку окуу жайларынын ректорлору жакында Кыргызстанга БИЛИМ БЕРҮҮ ЖААТЫНДА кызматташууга иш сапарлары менен келишет.
• Кыргыз мигранттары 5 айдын ичинде Кыргызстанга 690 МИЛЛИОН ДОЛЛАР жөнөтүшкөн.
• Польшанын ишкерлери Кыргызстанда жылына 5-8 МИҢ УНАА чыгаруучу автозавод куруп берүүгө даяр экенин билдиришти.
• ТОҢ РАЙОНУНДАГЫ каптаган суудан улам үй канаттуулары жана 50дөн ашык мал кырылды.
• Казакстан мажилисинин төмөнкү палатасы кыргызстандык жарандардын 5 күн ичинде каттоодон өтүп, 90 КҮНГӨ ЧЕЙИНКИ жүрө турган макулдашууга расмий түрдө кол койду.