УКМК билдиргендей, 24-июнь күнү Ош шаарындагы №2065-аскер бөлүмүндө дагы бир аскер өз жанын кыйды. Азыркы учурда аскер бөлүмүндө атайын түзүлгөн комиссия иштеп жатат. Комиссия суициддин себебин белгиленген убакыттын ичинде изилдеп чыгышы керек. Ошондой эле Аскердик прокуратурада кылмыш иши козголду.
Эске салсак, ушул эле жылы июнь айында бир аскер өз жанын кыйган. Окуя 7-июнь күнү Баткен облусундагы аскер бөлүмүндө орун алып, өзүнө кол салган адам өлөрдүн алдында кат жазып кеткен. Катта "прокурор менден 100 миң сом талап кылып жатат" деп жазылып, анын айынан суицидге барганы айтылат. Буга чейин да май айынын аягында УКМКнын бир кызматкери өзүн-өзү атып салса, ошол эле айда ИИМдин бир криминалисти өз кабинетинде кокустуктун айынан башына атып алган.