Чагымчыл аракеттери менен айыпталып жаткан журналист Владимир Фарафоновго соттун өкүмү чыкты. 3-июль күнү Биринчи Май райондук сотунун судьясы Алмаз Молдобаев бул журналистти айыптуу деп таап, жазасын угузду. Улуттар аралык чырдын козголушуна түрткөн макалалары үчүн ал мамлекетке 50 миң сом айып пул төлөмөй болду. Прокурор соттон бул журналистти 8 жылга эркинен ажыратууну өтүнгөн.
Башкы прокуратуранын экспертизасы анын 16 макаласынан экстремисттик мүнөз бар экенин аныктаган. Демек, кайсы бир деңгээлде өлкөдөгү улуттарды чабыштырып жиберүү коркунучун алып жүргөн эргулдун 50 миң сом менен кутулуп кетиши да ич жылытарлык эмес. Эгерде анын калеминин айынан өлкөдө туруктуулук бузулуп, улутчулдук маселеси от алып кетчү болсо кантмекпиз? Ошентсе да таап, күнөөсүн моюнуна койгонyна деле шүгүр дейли.