Алмазбек Атамбаев “Жергиликтүү Ке­ңештин депутаттарын шайлоо жөнүндө” Баш мыйзамга толуктоолорду жана өзгөртүүлөрдү киргизүү тууралуу токтомго кол койду. Мыйзамга ылайык, депутаттыкка талапкер көрсөтүү жана шайлоонун жыйынтыгын аныктоо тартиби өзгөртүлөт. Алсак, шаардык Кеңештин депутаттыгына талапкерди көрсөтүү мүмкүнчүлүгү саясий партияларга берилет (буга чейинки мыйзамда бул эреже Ош жана Бишкек шаарына гана тиешелүү болчу). Ал эми шаардык Кеңешти шайлоонун жыйынтыгын аныктоодо депутаттык мандаттарды бөлүштүрүүгө катышуу үчүн партияларга 7 пайыздык тоскоол киргизилет. Бир дагы партия 7 пайыз добуш албай калган учурда мандат бөлүштүрүү укугу эң көп добуш алган 3 партияга берилет.