• Лимондун кабыгын ыргытпастан аны менен тырмакты сүртүп койсоңуз, жылтырак жана жылмакай болот.
• Картошка бышкан кайнак сууну төгүүгө шашылбаңыз. Бир аз муздаган соң ал сууга 5-10 мү­нөт колуңузду жана бутуңузду малып, анан аарчыбастан абада кур­гат­ка­ныңыз оң.
• Бир чай кашык крахмалды бир чоң чыны жылуу сууга аралаштырып, ага колду малып туруу да тырмакты бекемдете алат. Ушул эле ыкма менен буттун тырмактарына да кам көрүүгө болот.
• Уктоонун алдында тырмактын боёгун өчүрүп, таза жууп, йод менен сүртүп коюңуз. «Эртең тырмагым сары болуп калат» деп тынчсызданбаңыз. Түндө йод толугу менен тырмакка сиңип, эч кандай сары түс калбайт.
• Атайын тырмак үчүн медициналык каражаттарды (майлар, витаминдер) да колдонууга болот. Бирок бул учурда косметолог менен кеңешүүнү унутпаңыз.

kenesh@super.kg