Премьер-министр Жантөрө Сатыбалдиев Коопсуздукту жана тартипти сактоо кеңешинин жыйынын өткөрдү. Анда өлкөдөгү азыркы коомдук-саясий абал талкууланды.
Өкмөт башчы бийликти күчтөп тартып алуу боюнча бардык аракеттерге күч түзүмдөрү тарабынан бөгөт коюларын айтты.
"Өзүнүн жеке же саясий кызыкчылыгын көздөгөн адамдардын тобу өлкөгө баш аламандык алып келип, элди коркутушуна жол бербейбиз. Буга мыйзамдуу укугубуз жана мүмкүнчүлүгүбүз жетиштүү", - деди Сатыбалдиев.