№520 19-Октябрь-25-Октябрь, 2012-ж
Бишкектен 2-3 чакырымдай алыстыкта жайгашкан мамлекеттик резиденция кичинекей шаарча сымал. Аны курчаган тосмонун ичиндеги тартип-эрежеси, үйлөрү, кызматкерлери, чарбасы коомдун кулак-көзүнөн оолак. Президент жашаган резиденция атайын «Супер-Инфо» үчүн дарбазасын ачып, эксклюзивдүү фоторепортаж даярдоого уруксат берди.
Бизди мамлекеттик №1-резиденциянын директору Ренат Түлебердиев босогодон эмес, чок ортосунан тосуп чыкты. Резиденциянын «жүрөгү» болгон конгресс-холлдон саякатыбыз старт алды. Мамлекеттик деңгээлдеги бардык жолугушуу жана түрдүү багыттагы иш-чаралар дал ушул жерде өткөрүлөт.
Сапардын жүрүшүндө №1-резиденциянын директору Ренат Түлебердиевди кыска кепке тарттык.
– Бул жерде иштеп жатканыңызга канча болду?
– Эки жарым жылдай болуп калды. Жыйынтыкка келсек, соңку үч жылда резиденциянын жылуулук тармагы толугу менен өзгөрдү. Борбордон келчү жылуулук трассасын алып, бул жакка өзүнчө газ жана электр тогу менен иштөөчү мештерди орноттук. Мындан улам чыгымыбыз үч эсеге азайды. Андан тышкары конгресс-холл менен мейманканаларды атайын келишимдин негизинде ижарага берүү менен кирешебиз жогорулады. Конференция өткөрүүнүн деңгээли боюнча Бишкек шаарында алдыңкы орунга чыктык.
– Кыдыруу учуру чоң ишембиликти элестетти. Кайда караба, тазалап-тытмалап жүргөн эле адамдар. Күндө ушундайбы?
– Ооба. Жыл бою тыным жок. Аянт өтө чоң, аны тазалоого жумушчулар жетишпейт. Кол куушуруп, ар бири өз иши менен отурбайт. Өзүм баш болуп киришем. Ашпозчубу, куруучубу, колубуз бошой калса, короону тазалоого чыгабыз. Чет мамлекеттерден келген делегациялар кээде аэропорттон түшүп, түз эле резиденцияга келишет. Ушул жер менен эле чектелип, кайра аэропортко кетишет. Андыктан жумушчуларга «силер мамлекеттин жүзү болосуңар» деп айтуудан тажабайм. Татыктуу тосуп алуу, аларды тейлөө жана узатууга бүт күчүбүздү жумшайбыз. Мунун баары айланып келип эле Кыргызстандын намысы, кадыр-баркы болот эмеспи.
Маалымат үчүн: Мамлекеттик резиденция 1936-жылы түзүлгөн. Анын аймагында президент Алмазбек Атамбаев, экс-президент Роза Отунбаевага мамлекеттик дачалар берилген. Ошондой эле резиденцияда мамлекеттик ишмер Турдакун Усубалиев небереси Эрмек менен жашаса, Апсамат Масалиевдин үйүндө анын жубайы, ага эле коңшулаш улуу жазуучу Чыңгыз Айтматовдун үйүндө аялы Мария Айтматова жана уулу Элдар жашайт.
Эльвира Караева
Ташболот Досалиев
koom@super.kg
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..
6
| Маалымат-маанайшат порталы | 2006-2025 © SUPER.KG |
xaxaxaaaaa Selsayak degenin jakty, men dagy jumushchulardyn syrtky kelbetine boorum oorup ketti, selsayak dep oilogon jokmun albette, no ne doleko, birok Nurbekov betke aityp salganyna, ichil ezile kuldum.
Oshol gostinicalarda kop koop konoktordu tosup, Kyrgyzdyn juzun alyska taanytyp juro berishsin!
kostum shym kyiybegende , jylanach ichtemek bele? problem, kostumdary chon jarashygy jok, jumushchulardyn syrtky korunushu nachar kir korunup atpaiby, "Kyrgyzdyn juzu silersiner dep aitam dep atat, Derektor" Rezidenciya bolgon son, Kyrgyzdyn juzun taza tykan kylyp korsotushso bolboibu, jogooruda Nurlanov aitkandai bomshka okshotpoi.