2013-жылдын 29-январында Жогорку Соттун имаратында Чүй облустук сотунун 14 судьясы расмий түрдө ант беришип, кызматына киришишти. Алар: Дастанбай Айжигитов, Дамир Оңолбеков, Азамат Жумагулов, Индира Айтбаева, Кыдык Жунушпаев, Нурбек Исаев, Гүлназ Кадырова, Алма Кадыркулова, Шааркан Калыбаева, Жекшеналы Курманбаев, Улан Садырбеков, Жылдызкан Турумбекова, Любовь Хлыбова жана Асел Чекирова. Элибиздин жашоосундагы маанилүү бул иш-чарага Жогорку Соттун төрайымы Феруза Жамашева да катышты.