Өткөн аптада президент депутаттардын фракциядан тышкары өз позициясына ылайык топторго биригүүсү боюнча мыйзам долбооруна кол койгон эле. Мындайды күтүп эле жүрүшкөнбү, «Республиканын» депутаты Бакыт Төрөбаев парламентте «Өнүгүү» деген топ түзөрү дайын болду. Бакыт мырза буга чейин жергиликтүү кеңештердин шайлоосунда да «Өнүгүү» партиясы менен катышып, Жалал-Абад облусунда «Республикага» салыштырмалуу жеңишке жетишкен болчу.
Бул топ фракция ичинде калабы же жокпу, азырынча чечиле элек. Эми бул жагы айдан ачык эмеспи, «Республиканын» курамында калгысы келген депутат өзүнчө топ түзүп отурмак беле?