• 
• Класстык чиндерди берүүдө маянага кошумча 1 жылда 106 МИЛЛИОН сом сарпталарын ЖКнын депутаты Дастан Бекешев айтты.
• Премьер-министр Жантөрө Сатыбалдиевдин демилгеси менен Маданият, маалымат жана туризм министрлиги 30-апрелден 30-майга чейин МАКАЛДАРДЫН 1 АЙЛЫГЫН өткөрөт.
• 2013-жылдын алгачкы 3 айында Бишкекте 132 МИТИНГ болуп өткөнүн Бишкек ШИИБинин маалымат кызматы кабарлады.
• Үстүбүздөгү жылдын 3 ай ичинде «Ош электр» ишканасынан 17 ТЕКШЕРҮҮЧҮ иштен бошотулганын Энергетика жана өнөр жай министрлигинен билдиришти.
• Энергетика жана өнөр жай министри Автандил Калманбетовдун айтымында, 2012-жылы 400 МИЛЛИОН сомдук электр энергиясы уурдалган.
• Былтыр Кыргызстанда 100ГӨ ЖАКЫН өспүрүм өз өмүрүнө кол салган.
• Саламаттыкты сактоо министрлигинин маалыматына ылайык, өлкөдө гемофилия боюнча 330 АДАМ жабыркайт. Алардын жарымы жаш балдар.
• Билим берүү жана илим министрлиги 34 АВТОМЕКТЕПТИН лицензиясын жокко чыгарганын, дагы 50дөн ашык мектептин ишмердиги 3 айга токтотулганын кабарлады. Учурда өлкөдө 200дөн ашуун автомектеп бар.
• 22-апрель күнү Ош шаарынын жашоочулары үчүн МАССАЛЫК ЧУРКОО уюштурулат.
• Талас облустук Айыл чарба тармагынын башчысы Абай Шатмановдун маалыматына ылайык, фермерлер 8 айда чет өлкөгө 42 МИҢ ТОННА төө буурчак экспорттошкон.
• Садыр Жапаровдун бир тууган эжеси РАЙКҮЛ ЖАПАРОВА да камакка алынды. Эске салсак, Райкүл Жапарова рейдерлик басып алуучулук боюнча айыпталып келет.

Гүлмайрам Сабырбекова
politika@super.kg