• Өкмөттүн токтомуна ылайык, 9-МАЙДАН 12-МАЙГА чейин эс алуу күндөрү деп жарыяланды.
• Улуттук статистика кызматынан билдиргендей, 2012-жылы Кыргызстандагы ишканаларда жана мекемелерде 7,6 МИҢ жаңы жумуш орундары түзүлгөн.
• «МАНАС» ЭПОСУ венгер тилине которулуп жатканын Венгриянын Тышкы иштер министри Жолт Немет билдирди.
• 2013-жылдын алгачкы 2 айында өлкөдө 1515 ТҮГӨЙ ажырашкан. Бул тууралуу КРнын Улуттук статистика комитетинин маалымат кызматы билдирет.
• Былтыр «Кыргыз темир жолу» ишканасы 549 МИҢ жүргүнчүнү тейлеген. Бул тууралуу аталган ишкананын басма сөз кызматы маалымдады.
• Жогорку Кеңештин депутаты ЭГЕМБЕРДИ ЭРМАТОВ КРнын Президентине караштуу Мамлекеттик тил боюнча улуттук комиссиянын төрагасы болуп дайындалды.
• «Учурда Бишкек шаарында 161 МИҢ автоунаа катталган»,- деди шаар мэри Иса Өмүркулов.
• «Ата Мекен» фракциясы Социалдык өнүктүрүү министрлигине өкмөт башчы сунуштаган КУДАЙБЕРГЕН БАЗАРБАЕВДИН талапкерлигин колдоду.
  
• Качып кеткен президент К.Бакиевдин санаалашы саналган ПАЙЗУЛЛА РАХМАНОВ боюнча соттук отурум жылдырылды.
• Каржы министрлиги маалымдагандай, 2013-жылдын февраль айына карата Кыргызстандын мамлекеттик карызы 3,2 МИЛЛИАРД доллардан ашты.
• Кыргыз бийлиги саясат таануучу АЛЕКСАНДР КНЯЗЕВДИ Кыргызстандын аймагына кирүүгө тыюу салды.
  
• Кыргызстанда бүгүнкү күндө Ата Мекендик согуштун 1744, тылдын 6677 ардагери бар.

Эльвира Караева
politika@super.kg