• Москва шаарындагы «Кыргызстан» соода борборунда «БАЙЛАНЫШТА» аттуу борбор ачылып, ал Орусиядагы Кыргызстандын жарандарына жардам көрсөтүү максатын көздөйт.
• 1-майга карата өлкөдө ВИЧ илдети менен катталгандардын саны 4745 АДАМДЫ түздү. Буга чейин өлкөдө 255 адам бул дарттын айынан каза болгон.
• КРнын Акыйкатчы институтунун расмий сайты ХАКЕРЛЕРДИН чабуулуна кабылды.
• 2012-2013-окуу жылдарында өткөн жылга салыштырмалуу мектептерде апта ичиндеги сабактардын саны 21 СААТКА кыскарат.
• Май айынан тарта жаратылыш газынын 1 метр кубу 14,97 сомго бааланып, 4 ТЫЙЫНГА кымбаттады.
• Жергиликтүү калк иштелип чыккан энергиянын 43 пайызын керектесе, электр энергиядагы жоготуу 23 ПАЙЫЗДЫ түзөт.
• Азиздер үчүн Чыңгыз Айтматовдун «Жамиля» повести БРАЙЛЬ ШРИФТИНДЕ, кыргыз тилинде басылып чыкты.
• Өткөн жылы Кыргызстанга келүүчү 14 ЖАҢЫ АБА КАТТАМЫ ачылган.
• Мамлекеттик каттоо кызматынын жооптуу кызматкерлери тарабынан бюджетке 24,7 МИЛЛИОН сомдук зыян келтирилген. УКМК буга байланыштуу кылмыш ишин козгоду.
• 2012-жылы уюлдук байланыш абоненттеринин саны 6,5 МИЛЛИОНГО жакындады.
• Премьер-министр Жантөрө Сатыбалдиев Социалдык өнүктүрүү министрлик кызматына КУДАЙБЕРГЕН БАЗАРБАЕВдин талапкерлигин жактырып, Энергетика жана өнөр жай министрине ОСМОНБЕК АРТЫКБАЕВди сунуштады.
• Жалал-Абад облусунун Сузак районуна караштуу Барпы айылынын кеңеши жердеши, ЖКнын депутаты КАМЧЫБЕК ТАШИЕВге эстелик орнотуу чечимин кабыл алды.

Гүлмайрам Сабырбекова
politika@super.kg