• Кыргызстанда бир жыл ичинде 15 жашка чейинки балдардын ОНКОЛОГИЯЛЫК ООРУЛАРГА чалдыкканы боюнча 100дөй факты катталат. Бул тууралуу «Мээримдүүлүк» фондунун жетекчиси Елена Конева билдирди.
• Саламаттыкты сактоо министрлигинин басма сөз кызматы билдиргендей, өлкөдө учурда каттоодон өткөн, баңгизатка көз каранды 10 МИҢ ЖАРАН бар.
• Мэриянын басма сөз кызматынын айтымында, 30-майда саат 10:00дө Бишкек шаарынын Токтогул көчөсү-237 дареги боюнча «50+» аттуу кызматтык бош орундардын жарманкеси өттү.
• Учурда Кыргызстанда 38 мамлекеттик, 12 жеке менчик кинотеатр бар.
• Ак үйдүн алдында НААРАЗЫЧЫЛЫК АКЦИЯСЫ ӨТТҮ. Чогулгандардын талабы – сырттан алынып келинген дары-дармектерге тийиштүү мыйзамга өзгөртүү киргизүү жана кымбат баадагы дарылардын баасын арзандатуу.
• Билим берүү жана илим министрлиги 2012-2013-окуу жылында артыкчылык аттестатына 209 БҮТҮРҮҮЧҮ татыктуу болуп табылгандыгын билдирди.
• Бүгүнкү күндө Кыргызстан боюнча С вирустук гепатитин алып жүргөн 220 МИҢДЕЙ адам жашайт. Бул тууралуу «Партнёрская сеть» ассоциациясынын директору Айбар Султангазиев маалымдады.
• Быйылкы жалпы республикалык тестирлөөгө мектептердин жана кесиптик окуу жайлардын 49 МИҢ БҮТҮРҮҮЧҮСҮ катышканын Билим берүү жана илим министрлигинин басма сөз кызматы билдирди.
• Жыл сайын чет жерде иштеп жүргөн мекендештердин 300дөн АШУУНУ ар кандай себептер менен каза таап, сөөгү Кыргызстанга алынып келинет.
• Өкмөт башчы Жантөрө Сатыбалдиев «ЖЕР-ҮЙ» алтын кенин иштетүү боюнча экинчи жолу тендер жарыялана тургандыгын билдирди.
• Бишкекте жерлердин мыйзамсыз сатылышына каршы митинг өттү. Анда жаш саясатчы Мавлян Аскарбеков шаар тургундарынын дооматын айтып жаткан учурда мэр ИСА ӨМҮРКУЛОВ токтотуп, аны сотко бере турганын айтты.

Гүлмайрам Сабырбекова
politika@super.kg