Кыргызстандын коргоо жана коопсуздук боюнча вице-премьер-министри Шамиль Атаханов митингдерге байланыштуу өзүнүн дарегине айтылып жаткан сындардан улам 6-июнда жумуштан кетүү боюнча арыз жазып, өлкө башчысы ошол эле күнү арызды канааттандырды. Өнүккөн өлкөлөрдө кайсы бир чиновниктин дарегине орундуубу, орунсузбу, айтор, сындар айтылып баштаса, ал автоматтык түрдө кызматтан кетет. Бизде кандай, Турсунбек Акун сыяктуу «эгер мени жумуштан кетирчү болсоң, тиги былыгыңды айтам...» деген өңдүү коркутуулар башталып, чиновниктер креслосун оңойлук менен бошотуп бербейт. Жаңы өкмөттүн тушунда үлкөн чиновниктин өз каалоосу менен жумуштан кеткени экинчи ирет катталып
отурат. Буга чейин социалдык өнүктүрүү министри Кылычбек Султанов өз каалоосу менен арыз жазып, учурдагы кыргыз саясатында жаңы маданияттын үлгүсүн көрсөткөн эле.

Гүлмайрам Сабырбекова
politika@super.kg