Мына ушундай аталыштагы марафон Кызыл-Кыя шаарындагы «Төрөт үйү» коомдук фонду тарабынан уюштурулуп, 21-июнда болуп өттү. Марафон уланып отуруп, 2-июлда Бишкек шаарында жашаган Кадамжай жана Кызыл-Кыя шаарларынын тургундары үчүн өткөрүлгөнү турат.
Кызыл-Кыядагы тө­рөт үйү 1956-жылы пайдаланууга тапшырылып, ошондон бери үзгүлтүксүз иштеп келген. Жыл сайын анда 5000ге чейинки ымыркай төрөлөт. Тогуз жолдун тоомундагы бул төрөт үйү Ош облусунун Ноокат, Араван районунун Төө-Моюн айылдык округдарынан келгендерге да кызмат көрсөтүп келген. 2010-жылкы катуу жер титирөөдөн имарат авариялык абалга кабылган. 2012-жылы төрөт бөлүмү аймактык ооруканага көчүрүлгөн.
Көпчүлүк элдин суроо-та­лап­тары боюнча 2013-жылы «Төрөт үйү» коомдук фонду түзүлүп, имаратты оңдоп-түзөө үчүн аракеттер жүрүүдө. Марафондон аталган фонддун эсебине 785 миң 99 сом түшкөн. Ал эми 21-июнда өткөн марафондун жүрүшүндө накталай 1 миллион 149 000 сом чогулган. Түшкөн акчанын баары төрөт үйүн капиталдык ремонттон өткөрүүгө жумшалат.

Элира Чынтемир кызы
batken@super.kg