• Күйүүчү май жана тетиктердин жетишсиздигинен өлкө ичиндеги 41 ӨРТ ӨЧҮРҮҮЧҮ машина нөөмөттөн алынды.
• Өкмөт аткаруу бийлик органдарындагы статс-катчылыкка талапкерлерди КАЛП ТАПКЫЧТАН өткөрүүнү мыйзамдуу түрдө киргизүүнү сунуштоодо.
• Жарандарга укук коргоо органдарына кызматка кирүү үчүн сөзсүз түрдө АСКЕРДИК КЫЗМАТТАН өтүшү керек болот. Өлкө башчысы бул мыйзамга 7-августта кол койду.
• 2010-2012-жылдар аралыгында өлкөдөгү балдар үйлөрүнө 271 БАЛА жайгаштырылган, алардын энелеринин 70 пайызы турмушка чыга электер болгон. Ташталган балдардын көбү Ош, Бишкек жана Москва шаарларында төрөлгөн.
• Өкмөт башчы Жантөрө Сатыбалдиевдин айтымында, август айынын ичинде 22 ЖАҢЫ МЕКТЕПТИН курулушу аягына чыгуусу керек.
  
• УКМКнын Коррупцияга каршы күрөшүү кызматы ИЮНЬ ОКУЯСЫНЫН жабыркоочуларына үй курган «Ансар Трейд» жана «Плутон Строй» ЖЧКларына салык мыйзамын бузгандыгы үчүн кылмыш ишин козгоду.
• Мамлекеттик каттоо кызматына күн сайын жарандардан ID-карта алууга 5 МИҢГЕ жакын арыз келип түшөт.
• Өкмөттүн Чүй облусу боюнча ыйгарымдуу өкүлү Айбек Азыранкулов башка жумушка которулгандыгына байланыштуу анын ордуна Бажы кызматынын мурунку төрагасы КУБАНЫЧБЕК КУЛМАТОВ дайындалды.
  
• Түркиянын борбору Анкара шаарында КЫРГЫЗСТАНДЫН ҮЙҮ ачылды.
• 2-август күнү Ысык-Көл облусунун Бостери айылында белгисиз кишилер жергиликтүү кеңештин депутаты ЧЫНАРКҮЛ МОЛДОШЕВАГА ок чыгарышты. Учурда жаракат алган эл өкүлүнүн абалы туруктуу.
• Бишкектин мэри Иса Өмүркулов шаардагы №25-ОРТО МЕКТЕПТИН учурдагы абалы авариялык деңгээлге жеткендигине байланыштуу имарат буздурулушу мүмкүн экендигин айтты.
• Ысык-Көл облусунун Каракол шаарында жайгашкан АЙБАНАТТАР БАГЫ темгилдүү чаарчык, пони жана эки каман менен толукталды.
• Кыргызстан Казакстан менен Өзбекстанга жаратылыш газын ташуу боюнча 21 МИЛЛИОН ДОЛЛАР карыз, ал эми өлкө ичиндеги көгүлтүр оттун керектөөчүлөрүнүн «Кыргызгаз» ААКсынын алдында
  6 миллион доллар бересеси бар.
• Кыргызстандын туңгуч президенти АСКАР АКАЕВ орусиялык басылмалардын бирине: «2005-жылы өлкө көтөрүлүп келе жаткан болчу. «Түстүү революция» болсо, америкалыктар тарабынан уюштурулган. Мени эл кууган эмес»,- деп маек берди.

Эльвира Караева
politika@super.kg