• 29-августтан тартып Бишкек ШИИБинин кызматкерлери күчөтүлгөн режимде иштей баштайт жана Эгемендүүлүк майрамында коомдук тартипти 3000ДЕЙ МИЛИЦИЯ кызматкери көзөмөлдөйт.
• Бишкек мэриясынан билдиргендей, шаарда 1139 таштанды салуучу челектер орнотулду.
• Жогорку Кеңештин 5-чакырылышынын кезектеги сессиясы 3-СЕНТЯБРДА ишин баштайт.
• Быйыл ажылык сапарга 3600 КИШИ барат. Бул тууралуу муфтияттын ажылык бөлүмүнүн башчысы Марат ажы Усупов билдирди.
• Вице-премьер Токон Мамытовдун айтымында, Кыргызстандын атайын кызматы өлкөнүн мурдагы президенти Аскар Акаевдин кызы БЕРМЕТ АКАЕВАНЫ Кыргызстандан издөөдө.
  
• ИИМдин берген маалыматына ылайык, өлкөдө жыл башынан бери жол кырсыгында 61 БАЛА көз жумган.
• Быйылкы 2013-2014-жылкы окуу жылына өлкө боюнча 1 МИЛЛИОНДОН АШУУН окуучу мектепке бара турганын Билим берүү жана илим министрлиги кабарлады.
• Орусиялык мунай иштетүүчү заводдор күйүүчү-майлоочу майдын баасын 25 пайызга көтөргөндүгүнө байланыштуу Кыргызстанда бензин кайрадан 50-60 ТЫЙЫНГА кымбаттады.
• Бишкекте турак жай үчүн жер алууга 15 МИҢДЕЙ киши кезекте турат.
• Акыркы үч жылда 3243 баланы кыргызстандыктар багып алышканын социалдык өнүктүрүү министри Кудайберген Базарбаев маалымдады.
• Баткен облусунун Самаркандек айылында көмүр шахтасы басып калган жарандарды ИЗДӨӨ ИШИ токтотулду. Бул тууралуу ӨКМ билдирди.
• 31-август күнү Бишкектеги Тарых музейинде мурунку президент РОЗА ОТУНБАЕВА балдарга жомок окуп берет.
  
• «Түндүк электр» ААКсынын башкы директору Кубанычбек Турдубаев ишкананын жоготуусу 16,4 ПАЙЫЗДЫ түзгөнүн билдирди.
• 16 килограмм героин менен кармалган ИИМдин мурдагы кызматкери УКМКнын СИЗОсунда АСЫНЫП ӨЛДҮ. Маркумду акыркы сапарга узатуу күнү анын жубайы жүрөк оорусунан көз жумду.
• Бишкекте Өзбекстандын Кыргызстандагы элчилигинин кызматкерлери катышкан жол кырсыгына жана элчиликтин кызматкери өздөрү сүзүп кеткен унаанын айдоочусун сабагандыгына карата кылмыш иши козголду.
• Исфана шаардык кеңешинин КСДП фракциясынан депутаты УЧКУНБЕК КУНДУЗОВГО жергиликтүү тургун Закир Камиловду сабагандыгына байланыштуу кылмыш иши козголду.

Гүлмайрам Сабырбекова,
Эльвира Караева
politika@super.kg