23-сентябрда Орусиянын Сочи шаарында өткөн Жамааттык коопсуздук келишим уюмуна мүчө мамлекеттердин кезектеги сессиясы болуп өттү. Анда мамлекет башчы орусиялык кесиптеши Владимир Путин менен жолугушуп, жабык эшик артында сүйлөшүштү. Эки өлкө лидери эки тараптуу кызматташтыктын мындан аркы өнүгүшү, өлкөлөр ортосунда буга чейинки түзүлгөн келишимдерди ишке ашыруу тууралуу сүйлөшүшкөндүгүн президенттик аппараттын маалыматтык саясат бөлүмүнөн билдиришти.
Жыйындын соңунда Алмазбек Атамбаев Жамааттык коопсуздук келишим уюмунун төрагалыгын Орусиянын президенти Владимир Путинге өткөрүп берди. Өлкө башчы ЖККУнун төрагасы болуп турганда көрсөткөн колдоосу үчүн уюмга мүчө өлкөлөрдүн башчыларына ыраазычылык билдирди.

Гүлмайрам Сабырбекова,
politika@super.kg