• 23-октябрда президент АЛМАЗБЕК АТАМБАЕВдин катышуусу менен «Ак илбирстин тукумун коргоо» боюнча бүткүл дүйнөлүк форум Бишкекте болуп өттү. Кызыл китепке кирген бул айбанаттын саны 1990-жылдардын башында кыргыз тоолорунда 600гө жетсе, бүгүнкү күндө 300 гана санда калган.
  
• Бишкек шаарынын мэри ИСА ӨМҮРКУЛОВдун айтымында, борбордун Свердлов районунда эки көпүрөнүн курулушу пландалууда.
• Өлкөдө кош бойлуулук, төрөт жана жерге берүү боюнча жөлөкпул алуучулардын саны жылдын башынан бери 25 МИҢге жакын кишини түздү. Аларга баш-аягы 183,5 миллион сом которулган.
• Кыргызстан менен Өзбекстанда миңдеген койлорду кырган чечекке каршы контрафакттык вакцинаны саткандыгы үчүн Өзбекстандын 20 жараны Өзбекстанда 3төн 13 ЖЫЛГА чейин түрмөгө кесилди.
• Опузалоо боюнча айыптуу деп табылып, Бишкек шаарынын Биринчи Май райондук соту тарабынан 5,5 жылга эркинен ажыратылган КАМЧЫ КӨЛБАЕВ шаардык сотко апелляциялык арызы менен кайрылды.
• МЕЛИС ЭШИМКАНОВ атындагы коомдук фонд 2013-жылдын «Жылдын мыкты журналисти» наамына сынак жарыялайт, ага ар бир журналист же студент-журналист 3 материалы менен катыша алат.
  
• Ысык-Көл облусунда «ХАН-ТЕҢИР» улуттук паркын түзүү боюнча долбоор ишке киргизилүүдө, ал Сары-Чат-Ээр-Таш коругунун жанында жайгашмакчы.

Эльвира Караева,
Автандил Добулбеков
politika@super.kg