Биз бүгүн өрнөктүү өмүрү менен элге эмгеги сиңген, эгемендүү Кыргызстанда мыйзам жазуу боюнча алдына киши салдырбаган адам жөнүндө сөз кылабыз. Туура баамдадыңыз, бул инсан – сиз билген, биз билген Өмүрбек Текебаев. Бүгүнкү парламентаризмдин негиздөөчүсү, «Конституциянын атасы» аталган биздин каарман 22-декабрда 55 жашка чыгат. Биз анын бул аралыктагы эл үчүн кылган эмгегин, кыйчалыш кыйын күндөрүн эскерип, тарыхка кайрылууну эп көрдүк.
Максаттарга толо жалындуу студенттик кез.
1990-жылдар. Кыраакы, курч көз караш. Бул жылдары Кыргызстандын кайсы бурчунда, кимдин гана болбосун, эки көзү ушул инсанды күзөтүп турчу. Баш мыйзамды өзгөртүп, бийликти бир колго топтой баштаган Акаев бийлигин аёосуз сынга алып, «көгөртө чымчып» турган. Президенттикке талапкерлигин койгон 1995-жылы өлкөнүн түндүгү да, түштүгү да жапырт колдоп, жыйынтыгында экинчи орунга жетишкен.
2000-жыл. Президенттик шайлоого «темир генерал» Феликс Кулов менен биргеликте барган. Өмүрүн оппозицияга арнаган саясатчы Кыргызстанда демократиянын калыптануусуна өзүнүн опол тоодой салымын кошту. Өзүнүн принципиалдуулугу менен «Ата Мекен» социалисттик партиясынын сынын да, сапатын да 21 жылдан бери жоготпой келе жатат.
1990-жылдар. Ал күндөрү 35 депутаттан турган «мыйзам жазуучу» палатанын эң жаш жана курч депутаты баралына келип, болуп-толуп турган кези эле. Жанындагы Роза Отунбаева менен көз карашы, багыты ошондо эле окшош болчу.
Дегинкиси, чыгаан инсандардын көзү өтүп кеткенде «кап, тирүүсүндө сыйлап, татыктуу барктап калбай...» деп өкүнгөн учурлар эсепсиз кездешет. Дооронбек Садырбаев да кезегинде бааланбай кеткен улуу инсан. Ал биздин каармандын Докеси эле...
1981-1983-жылдар. Советтик атуулдун ардактуу милдетин аткарып жүргөн күндөрү. Жоокер Текебаев келечекте бир өлкөнүн маанилүү саясий фигурасына айланарын ошол маалда ойлоду бекен? Алдыда Жогорку Кеңештин 5 жолку депутаттыгы, 2005-жылы парламенттин төрагасы болуу, 1995-2000-жылы президенттикке талапкерлигин коюу жана Кыргызстандагы башкаруу системин өзгөртүү өңдүү чоң иштер күтүп турган маал.
2010-жыл. Ага-ини Чиркешовичтер Оштогу каргашалуу Июнь окуясында. Ошол күндөрү Убактылуу өкмөт мүчөлөрүнүн бири катары элге биринчилерден болуп Өмүрбек мырза барган. Маркум Асылбек Текебаев агасына ар дайым колдоо көрсөтүп турчу.
Ар бир ийгиликтүү эркектин артында акылман жана күчтүү аял турат. Бул сөз биздин каарманга жарашат. Жашоосуна шам болуп жанган төрт чырагы – эки уул, эки кызы бар. Айгүл аттуу айымдын сүйүктүү жолдошу.
Гүлмайрам Сабырбекова
politika@super.kg
9
Дайыма бар болунуз, иштеринизге ийгилик, уй-булоонуз сиздин бешененизге дайыма тынч болсун.
Коррупция менен курошуу масатыныздын этегине чыгыныз...
Сайтка курамы окшош сайттарды жарнама кылууга тыюу салынат!
3 күн банга!
Кыргызстан сиздин жана биздин колубузда!!!!!!!!!!!!_@@@