Кыргызстан менен Тажикстан 7-январь күнү бирдиктүү чек арадагы көйгөй жараткан тилкелерди чогуу күзөтүү жөнүндө келишишти. Ал коңшу мамлекеттин борбору Дүйшөмбү шаарындагы тажик-кыргыз чек арасы боюнча өкмөттөр аралык комиссиянын жыйынынан кийин белгилүү болду. Кыргыз тараптан делегацияны вице-премьер Токон Мамытов жетектеп барды.
Эске салсак, өткөн жылдын декабрында Тажикстандын Ворух анклавынын жанында жайгашкан Ак-Сай айылында тургундар арасында чыр чыккан болчу. Ал жол жабууга чейин барып, ак-сайлыктар бийликтен тажиктердин аймагын айланып өтүүчү жол куруп берүүсүн талап кылышкан.
Маалымат үчүн: Кыргыз-тажик чек арасынын аралыгы 1000 чакырымдын тегерегин түзөт, анын ичинен дээрлик тең жарымы талаш жараткан тилкелер болуп саналат.

Эльвира Караева
politika@super.kg