Кыргыздын кайталангыс ырларына обон жараткан, обончулардын атасы Жумамүдүн Шералиев көзү тирүү болсо быйыл 100 жашка чыкмак. Кайталангыс таланттын «Сүйгөн жарга», «Сүйүү ыры», «Укчу, эркем», «Ойло сен», «Карындаш», «Жигитке», «Жашообуз болсун көктөмдөй», «Ырдалды», «Кыргыз жайлоосу» сыяктуу ырларына улам кийинки муун жаңы өмүр берип келет. Кыргыз маданиятынын өнүгүшүнө төө көтөргүс салым кошкон инсандын 100 жылдык мааракесине арналып, үстүбүздөгү айдын 25инде «Жаш таңдай айтыш-2014» республикалык төкмө акындар айтышы өтөт. Айтышта дасыгып калган да, жаңы чыгып келе жаткан да төкмөлөр өз өнөрлөрүн көрсөтө алышат.

star@super.kg