• Энергетика жана өнөр жай министри Осмонбек Артыкбаев быйылкы кышта ЭЛЕКТР ЭНЕРГИЯСЫН колдонуу 15 пайызга өскөнүн айтты.
  
• Жогорку Кеңештин депутаттары 10-февралда Кыргызстандын чек арасынан өткөн чет өлкөлөрдүн автоунаалары үчүн 500 СОМДОН акча төлөтүү сунушун айтышты.
• «Кыргызжолтрансдолбоор» долбоорлоо жана изилдөө институтунун директору Жамшитбек Калилов билдиргендей, өлкөдө ТҮНДҮК-ТҮШТҮК АЛЬТЕРНАТИВДИК жолунун курулушу үстүбүздөгү жылдын март айында башталат.
• УКМКнын өкүлү Нурлан Жумашевдин айтымында, өткөн жылы 171 МИЛИЦИЯ КЫЗМАТКЕРИ кылмыш жазасына тартылган.
• 2014-жылы Жалал-Абад шаарында бюджеттин эсебинен 60 БАТИРЛҮҮ эки көп кабаттуу үйдүн курулушу башталарын шаардын вице-мэри Тайырбек Чойбеков маалымдады.
• Мамлекеттик каттоо кызматынын маалыматына ылайык, 2013-жылы Кыргызстандын 44 423 ЖАРАНЫ аты-фамилиясын өзгөрткөн.
• Январь айында өлкөдө УН, НАН ЖАНА ЭТКЕ болгон баа кымбаттаганын Улуттук статистикалык комитети маалымдады.
• БШК «Ата Мекен» фракциясынан Жогорку Кеңештин депутаттык мандатынан баш тарткан Эркинбек Алымбековдун ордуна УЛАНБЕК НУРКУЛОВДУ каттады.

Эльвира Караева,
Ширин Турдакунова
politika@super.kg