• 24-февраль күнү «Республика» фракциясынын лидери НАЗАРАЛИ АРИПОВ парламентте Жантөрө Сатыбалдиев жетектеген өкмөткө ишеним көрсөтпөө боюнча кол топтоо уланып жаткандыгын билдирди.
• Президент Алмазбек Атамбаев 21-февралда Жогорку Кеңештин депутатына карата КЫЛМЫШ ИШИ башкы прокурор тарабынан гана козголо турган мыйзамга кол койду.
• Чек ара кызматынын төрагасы болуп РАИМБЕРДИ ДҮЙШӨМБИЕВ дайындалды.
  
• МЕЛИС САТЫБАЛДИЕВ Коргоо министрлигинин алдындагы Улуттук гвардиянын кол башчысы болуп дайындалды. 
• Жогорку Соттун судьясы ЖАКЫП АБДЫРАХМАНОВ Соттор кеңешинин төрагасы болуп дайындалды.
• «Манас» аэропортунда жайгашкан АКШнын Транзиттик жүк ташуу борборунун өкүлү күйүүчү май куюучу учактардын миссиясы аягына чыкканын айтып, борбор толук курамы менен 2014-жылдын 10-июлуна чейин чыгып кетерин маалымдады.
• Социалдык өнүктүрүү министрлиги эл аралык бала асырап алуу менен алектенген чет жердик уюмдардан арыз кабыл алууну жыйынтыктады. Бардыгы болуп 17 УЮМДАН арыз келип түшкөн.
• Коомдук ишмер НУРЛАН МОТУЕВ Жогорку Кеңештин мурдагы депутаты Садыр Жапаров менен бириккенин 27-февраль күнү билдирди.
• Эмгек кодексине ылайык, 8-МАРТ – Аялдардын эл аралык күнү эс алуу күнүнө туш келгендиктен, 10-март дем алыш күнү деп жарыяланды.

Эльвира Караева,
Ширин Турдакунова
politika@super.kg