• Кыргызстанда 1-сентябрдан баштап жеңил автоунааларга болгон бажы төлөмдөр 10-15 ПАЙЫЗГА көтөрүлөт.
• Ош шаарында жаратылыш газынын жоктугуна байланыштуу анын бардык аймактарына 5236 ЭЛЕКТР меши таратылды. Бул тууралуу Оштун мэриясы билдирди.
• Өлкөдө жыл башынан бери 185,7 ЧАКЫРЫМ ЖОЛ оңдолду. Алар үчүн республикалык бюджеттен 1 миллиард 840,9 миллион сом каражат бөлүнгөн.
• САЛАЙДИН АВАЗОВ Жалал-Абад шаарынын мэринин милдетин аткаруучу болуп дайындалды.
  
• «Нефтетрейдерлер» ассоциациясынын президенти Медетбек Керимкулов: «Күйүүчү майдын баасы жыл башынан тартып 11 ПАЙЫЗГА ӨСТҮ. Азыр запаста бир айлык керектөөгө жетчү май бар»,- дейт.
• Өкмөт түштүк аймактагы буу казандарды көмүргө которуу жана керектөөчүлөрдү суюлтулган газ менен камсыздоо үчүн бюджеттен 261 МИЛЛИОН сом өлчөмүндөгү үстөксүз ссуда бөлдү.
• Нарын шаарынын мэринин милдетин аткаруучу болуп АЛМАЗ СУРАНОВ дайындалды.
  
• Өкмөт: «2015-жылы Кыргызстандын бюджетке келген кирешелери 117 МИЛЛИАРД сомго өсөт».
• Кыргызстанда 2009-жылдан 2013-жылга чейинки аралыкта ЭЛЕКТР ЭНЕРГИЯСЫН ички колдонуу 51 пайызга көбөйгөн. Бул тууралуу ЮСАИД консультанты Ренди Брутон билдирди.
• Башка бир кылмыш иши боюнча кармалганына байланыштуу АЗИЗ БАТУКАЕВ Орусиядан Кыргызстанга экстрадицияланбайт. Бул тууралуу башкы прокуратура билдирди.
  

Наргиза Бекжанова
politika@super.kg