«Кыргызкөмүр» Мамлекеттик ишканасына 50 миллион сом бөлүнүп берилет. Бул боюнча буйрукка өкмөт башчы Жоомарт Оторбаев кол койду.
Бул каражат «Кыргызкөмүр» ишканасына көмүр казууга жана ташууга керектелүүчү транспортту сатып алуу үчүн жумшалмакчы. Мындай чечим аталган ишкананын көмүр казып алуу иштерин туруктуу деңгээлге чыгаруу жана өнүктүрүү үчүн кабыл алынган.
Буга чейин аталган ишкана өзүнүн техникалык шаймандары жоктугуна байланыштуу экскаватор, жүк ташуучу унааларды ижарага алып келген. Мунун негизинде ижара акысына эле жылына 25 миллион сом коротулуп турган.
50 миллион сом каражаттын бөлүнүшү менен тийиштүү техника алына турган болсо, аталган ишкананын борбордук тилкеси болгон «Кара-Кече» кенинде көмүр казып алуу бир кыйла жогорулай турганы айтылууда.

Наргиза Бекжанова
politika@super.kg