Жогорку Кеӊеште мамлекеттик ишмер Бекмамат Осмоновго «Кыргыз Республикасынын Баатыры» наамын берүү сунушу депутаттар тобунун демилгеси менен көтөрүлүп жатат. 3-февралда парламенттин эки комитетинде бул сунуш эл өкүлдөрүнүн колдоосуна ээ болду.
Айта кетсек, Жогорку Кеӊештин 2 жолку, анын ичинде легендарлуу парламенттин депутаты Бекмамат Осмоновдун көзү тирүү болгондо быйыл 70 жашка толмок. Ал 1991-жылы Жалал-Абад облусунун алгачкы губернатору болуп шайланган. Элдин эсинде калган Осмоновдун жетекчилигинин алдында Токтогул Сатылгановдун 125 жылдыгы, Жоомарт Бөкөнбаевдин 80 жылдыгы өткөрүлгөн жана Жалал-Абад телерадиокомпаниясы негизделген. Башкаруучулук сапаттары менен кийинки муундарга өрнөк болгон Бекмамат Осмонов, тилекке каршы, жүрөгүнө операция жасалгандын эртеси, 1997-жылдын 28-октябрында дүйнөдөн кайткан.

Эльвира Караева,
Наргиза Бекжанова
politika@super.kg