"Супер-Инфо" гезитинин кеӊсесине биолог-агроном Райхан Салиева баш багып, жаӊылыктары менен бөлүшүп, макалаларыбыз элге пайдасын тийгизсе деген аракеттерибиз текке кетпей жатканын айтты:
– «Супер-Инфо» гезитине мен тууралуу «Чөлдү бейишке айланткан айым» деген макала чыккандан кийин атактуу болуп чыга келдим. Мага Кыргызстандын булуӊ-бурчунан, 30га чукул чет мамлекеттен чалышып, «Супер-Инфодон» окудук, эмгегиӊизге баа бердик, азаматсыз" дегендер болду. Сиздердин гезит дүйнөгө таркайт тура. Дегеле ак жолтой гезит экенсиӊер. Себеби силерге макала жарыялагандан тарта бир катар сыйлыктарга ээ болдум. Эмгегим баалана баштады. Алсак, "Айкөлдүк" эл аралык коомдук фонду "Ак жүрөк" төш белгиси менен сыйлап "Жылдын меценаты" наамын ыйгарды. Ал эми мамлекет тарабынан "Мыкты агроном" наамына ээ болдум. Сиздерге ыраазычылык билдирем. "Супер-Инфо" дайыма биринчи болуп жүрө берсин,- деп жамаатыбызга ийгилик каалады.

Мирлан Өмүралиев
politika@super.kg