4-март күнү «Жаӊы муун» кыймылы сөз эркиндигинин учурдагы абалына арналган тегерек стол өткөрдү. Ага саясий жана коомдук ишмерлер, медиа-эксперттер катышышты.
«Кыргызстанда жалпыга маалымдоо каражаттарына кысым көрсөтүү тенденциясы байкалып жатат, бирок ал мурункудай күчтүү эмес. Бийлик дайыма эле ЖМКларга басым кылууга аракет кылып келген. Анткени аткаминерлер сын-пикирге туура реакция кылууну үйрөнүшө элек»,- деди белгилүү журналист Нарын Айып.
Жыйынтыгында сөз эркиндиги учурда Акаевдин, Бакиевдин мезгилине салыштырмалуу эркин абалда экендиги, бирок бийлиги барлар ЖМКларды, журналисттерди көзөмөлдөөгө дале аракет кылып жатышкандыгы белгиленди.

Эльвира Караева,
Автандил Добулбеков
politika@super.kg