Жогорку Кеӊеште парламенттик жана президенттик шайлоодо босоголук чекти жогорулатуу сунуштары кайрадан айтыла баштады. Бул ирет дагы мындай сунуш менен «Ар-намыстын» ана башчысы Феликс Кулов чыкты. Буга чейин босоголук чекти 10 пайызга чейин көтөрүү демилгеси колдоо таппай калган.
Феликс Кулов партиялар үчүн 7 пайыздык республикалык босоголук чекти 9 пайызга чейин көтөрүү, ал эми аймактык босогону 0,7 пайыздан 0,5 пайызга чейин төмөндөтүү керектигин айтып жатат. «Учурдагы шайлоо боюнча мыйзамда кемчиликтер бар. Биз аларды жоюу максатында ушул мыйзам долбоорун демилгелеп жатабыз. Босоголук чекти көтөрүү менен туруктуулукту көздөөдөбүз. Анткени 7 пайыздык босого менен парламентке 6-7 партия өтүшү мүмкүн»,- деди ал.
Жогорку Кеӊештин Адам укуктары, конституциялык мыйзамдуулук жана мамлекеттик түзүлүш боюнча комитети босоголук чекти көтөрүү боюнча мыйзам долбоорун
жактырды. Документ палатада колдоо табат болду бекен деген суроо туулат. Буга чейин босоголук чекти көтөрүү демилгесинин артында жаш партияларга бөгөт коюу же бир партияга көпчүлүк мандат берүү аракеттери турат деп баа бергендер да чыккан болчу.

Мирлан Өмүралиев
politika@super.kg