Күнүгө чачты жасалгалап көчөгө чыкканга ар бир айымдын убактысы аз. Ошондуктан тез жана көрктүү көрүнө турган чач жасалгаларды үйрөнүп алууӊузду сунуштайбыз.

1. Чачты төбөгө бир байлам кылып байлайсыз да, аны чачыӊыздын жука же калыӊдыгына карап бөлүктөргө бөлөсүз.
2. Ал бөлүктөрдүн учтарын плойка менен тармалдатасыз.
3. Андан кийин чачты резинадан чечип, лак сээп койсоӊуз чач жасалгаӊыз даяр.

1. Чачты жакшылап тарап, экиге бөлүп резинка менен байлап алабыз.
2. Бөлүнгөн чачтарды толкун сымал бурап, аягын резина менен бекитебиз.
3. Калыӊ, көрктүү көрүнүшү үчүн буралган чачты тартып-тартып бири-биринен ажыратабыз.
4. Бир өрүмдү алып экинчисине айланта байлап кыпчыткыч менен кыпчытабыз.
5. Андан соӊ экинчисин да ушундай жол менен түйүп, кыпчыткыч менен бекитебиз.
Толкун сымал болгон чач жасалгасы даяр. Бул жасалга жайында моюнду тердетпейт жана тыкан жүрөсүз.

1. Чачыӊыз кыска болсо деле өзгөртүп турууга болот. Алгач чачты жакшылап тарап, бир аз калыӊ болуусу үчүн тармалдатып аласыз.
2. Андан кийин капталынан өрүп баштайсыз.
3. Өрүп бүтүп аягына чыкканда кыпчыткыч менен бекитип койсоӊуз болот. 
 
1. Чачыӊызды экиге бөлүп, алаканыӊызга мусс алып чачка бир аз сыйпайсыз.
2. Эки бөлүмдү бири-бирине өткөрүп эки жолу байлаӊыз.
3. Жанып кетпеши үчүн чачтын өӊүнө жараша резинка менен байлап коюӊуз. Мындай жасалга романтикалык жолугушууга барганга ылайыктуу.
Дайыма бир чач жасалга менен жүрө бербей, бир аз башкача образ жасаганга бул жасалгалар жардамга келет.

Нуржамал Жийдебаева
kenesh@super.kg