• 2015-жылдын январь-март айларында Кыргызстанга чет жерден КОТОРУЛГАН АКЧАНЫН көлөмү 33 пайызга кыскарды.
• Өлкөдө ар бир төртүнчү адам ЧЫЛЫМ ЧЕГЕТ. Тамеки тартуучулардын орточо курагы 19 жашты түзөт. Бул тууралуу Кардиология жана терапия улуттук борборунун окумуштуу катчысы А.Алтымышева айтты.
• Билим берүү жана илим министрлиги эскертет: жалпы республикалык тестирлөөдөн 110дон азыраак балл алган БҮТҮРҮҮЧҮЛӨР ЖОЖдорго тапшыра алышпайт.
• Мамлекеттик башкаруу академиясынын экс-ректору ЧЫӉГЫЗ ШАМШИЕВ издөөгө жарыяланды.
• «КЫРГЫЗАЛТЫН» каржылык маселелеринен улам кызматкерлеринин айрымдарын 4 сааттык иштөө режимине которду.
• ИИМ башчысынын орун басары Курсан Асановдун айтымында, 2015-жылдын 4 айынын ичинде өлкөдө 42 жашы жете элек бала ӨЗ ЖАНЫН КЫЙГАН.
• Бишкекте жайында 3 миӊдей баланы камтый ала турган 44 мектеп ичиндеги ЛАГЕРЛЕР ачылат.
• Жогорку Кеӊештин депутаты ШАРШЕНБЕК АБДЫКЕРИМОВ Улуттук олимпиадалык комитеттин президенти болуп шайланды.
• «ДОРДОЙ» базарында товар айландыруу 80 пайызга чейин түшүп кетти»,- деди аталган базардын профсоюзунун жетекчиси Д.Дөөлөталиева.
• «Өнүгүү-Прогресс» жана «Улуттар биримдиги» 2013-жылкы макулдашуусун бузушуп, ПАРЛАМЕНТТИК ШАЙЛООГО өз-өзүнчө бармай болушту. Аталган партиялардын лидерлери Бакыт Төрөбаев менен Мелис Мырзакматов экени маалым.
• Президент АЛМАЗБЕК АТАМБАЕВ өз фондунан жетим жана ата-энесинин кароосу жок калган балдар үчүн Тоголок Молдо атындагы жатак мектебине 700 миӊ сомдук материалдык жардам көрсөттү.
• Премьер Темир Сариевдин айтымында, 15-июндан 15-сентябрга чейин Ысык-Көлдө жайгашкан ПАНСИОНАТТАРДЫ мамлекеттик органдар тарабынан текшерүүгө тыюу салынды.
• «Өлкөдө жылына 150 миӊдей АЙДООЧУЛУК КҮБӨЛҮК берилет. Анын 11 миӊи өз алдынча үйрөнгөндөр. Эӊ кызыктуусу, эч бири сынактан да кулап калбайт»,- деп таӊ калды Жогорку Кеӊештин депутаты Кенжебек Бокоев.

Мирлан Өмүралиев
politika@super.kg