• Финансы рыногун жөнгө салуу жана көзөмөлдөө кызматынын мурдагы төрагасы Юруслан Тойчубековго Интерпол эл аралык издөө жарыялады.
• «Ыйман» диний маданиятты өнүктүрүү фондунун жетекчиси Нуржигит Кадырбековдун айтымында, сынак тапшырган мечиттердин имамдары ай сайын 5 миӊ сом стипендия алышат.
• «Коррупция», «опузалап пара талап кылуу», «кызматтык абалынан кыянаттык менен пайдалануу» беренелери боюнча айыпталган Жогорку Кеӊештин депутаты Хажимурат Коркмазов боюнча сот отуруму 1-сентябрга жылдырылды. 
• 19-август күнү Ысык-Ата районунун Новопокровка айылында 3 өспүрүм бала Чоӊ Чүй каналына чөгүп кетип, алардын сөөгү изделип жатат.
• Орусиялык отелдерди онлайн брондоо боюнча Oktogo.ru сервисинин иликтөөсүнө ылайык, Ысык-Көл орусиялыктардын жакынкы чет өлкөлөрдөгү эӊ популярдуу болгон 5 курорттук аймагына кирди. 
• Алмазбек Атамбаев 17-августтан 21-августка чейин кыска мөөнөттүү эмгек өргүү алды.
• 20-августтан тартып Кыргызстан менен АКШ өкмөттөрүнүн ортосундагы кызматташуу тууралуу макулдашуу жокко чыкты. 1993-жылы жардам берүүнү жеӊилдетүү боюнча мындай документке кол коюлган болчу.
• Өкмөт башчы Темир Сариев милиция кызматкерлерине 86 унаанын ачкычын тапшырды.

Мирлан Өмүралиев
politika@super.kg