• Өлкөдө ГЕМОДИАЛИЗ кызматына муктаж болуп каттоого турган оорукчандардын саны 1082. Анын жарымы бюджеттин эсебинен дарыланышат.
• 1-сентябрдан тартып 23 чакырымдан турган БИШКЕК-"МАНАС" АЭРОПОРТУ жолун оӊдоо иштери башталат.
• 26-август күнү Бишкек-Торугарт унаа жолунун 43-чакырымында Лексус жана Хонда Одиссей үлгүсүндөгү унаалар кагылышып, 7 АДАМ КАЗА БОЛУП, 2 адам жаракат алды.
• МОСКВАДАГЫ кыргыз журналисти Багыт Бапановдун орусиялык басылмалардын бирине билдиришинче, Орусиянын борборунда кыргыздарга таандык 40тай кафе, 15 медициналык борбор жана 15 спорттук клуб бар.
• Бишкек шаарынын мэриясы 5 миӊден ашуун ТАШТАНДЫ САЛУУЧУ евроконтейнерлерди борборго алып келүү боюнча келишимге кол койду.
• Экономика министри Олег Панкратовдун айтымында, Казакстан менен Кыргызстандын чек арасындагы санитардык жана фитосанитардык текшерүү 30 күндөн кийин жоюлат. Ал эми ВЕТЕРИНАРДЫК КӨЗӨМӨЛ 2016-жылдын 1-январына чейин алынбайт.

Мирлан Өмүралиев
politika@super.kg