№678 30-октябрь-5-ноябрь, 2015-ж
Блиц-маек
Нурлан Насип, ырчы: «МОДА КУУП КИЙИНГЕНДИ ЖАМАН КӨРӨМ»
– Салам, Нурлан! Эл көзүндөгү адамдардын кийими баарынын көӊүл борборунда болот эмеспи. Кийим тандоодо кимден кеӊеш сурайсыӊ? Негизи эле өзүӊдүн стилиӊди таптым деп ойлойсуӊбу?
– Кандайсыздар? Өзүмдүн стилимди таап келе жатам деп ойлойм. 5-6 жыл мурун кандай кийим болсо кие берчүмүн, азыр элди, интернетти карап, табити мыкты досторум менен кеӊешип кийинип калдым. Чет мамлекетке чыкканда ошол жактан кийим алганга аракет кылам, анткени ал жактагы кийимдер бизде жок. Меникиндей кийимди башка бирөө кийип алса кызыктай боло берем. Эч кимге окшошкум келбейт, башкаларды туураган жакпайт. Мода кууп кийингенди жаман көрөм, мен үчүн кийим арзанбы, кымбатпы маанилүү эмес, жарашыктуу болуп турса сатып ала берем. Ар бир концертимде жаӊы формалар болот. Форма тиккен эжелер менен да кеӊешип, дизайнын чогуу талкуулайбыз.
– Жакында боло турган концертиӊ тууралуу кыскача айтып өтсөӊ?
– Бул концертти өзүм деле койсом болмок. Кээ бирөөлөр Кайрат Нуртас менен концерт берсе, эл көбүрөөк келет деген максатта коюп жатат деп ойлоп жатышат. Бирок андай эмес. Жөн гана жылда өзүм концерт бере бербей, быйыл өзгөчөлүк киргизейин дедим. Кайрат менин ырларымды ырдап жүрөт. Экөөбүз дуэт жаздыралы деп жатабыз. Ырчы бизди Казакстандагы үйүнө чакырып жакшы тосуп алды. Буюрса, концертибиз да мыкты деӊгээлде өтөт деп тилек кылып жатабыз.
МЫРЗАЛАР ҮЧҮН КАЙСЫ ТҮСТӨР МОДАДА?
Кочкул кызыл. Кочкул кызыл түстөгү костюм, жемпер, футболкаларды кийип эле жүрөбүз. Бирок бул түс мырзаларды стилдүү жана кымбат баалуу кийим кийген адам катары көрсөтөрүн көбү байкабаса керек.
Ачык жашыл. Доллардын түсүндөй болгон кийимдер быйыл ар бир мырзанын гардеробунда болгону жакшы. Себеби стилисттер дал ушул түс адамды өзүнө тартып турат дешет.
Сары. Алтын же болбосо каныккан сары түс күндүн жана кубанычтын символу. Бул түстөгү кийим алсаӊыз, маанайыӊыз дайыма көтөрүӊкү жүрөрүнөн кам санабаӊыз.
Сыя көк. Аталган түс чыныгы классикалык болуп эсептелет. Мындай өӊдөгү кийимдерди жолугушууга, кеӊсеге көп кийишет. Көп жылдан бери актуалдуулугун жоготпой келген бул түстүн доору быйылкы күз-кышта да уланат.
Боз түс. Боз же болбосо графит түсү түбөлүк модадан кетпеген түстөрдүн бири. Анткени мындай өӊдүү кийимдерди бардык түстөр менен айкалыштырса болот.
Саргыч боз. Саргыч боз же жөн гана козу карындын түсү. Аталган түс көк жана кочкул кызыл түстөр менен идеалдуу дал келет. Ошондой эле мырзаларга элеганттуулук тартуулайт.
Күрөӊ түс. Мурун мырзалар көбүнчө күрөӊ түстөгү териден тигилген күрмөлөрдү жана бут кийимдерди көп кийишчү. Азыр күрөӊ түстөгү костюм, пальто, шымдар да трендге кире баштады.
Лунара Бекиева
Адилет Бектуров
star@super.kg
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..
5
| Маалымат-маанайшат порталы | 2006-2025 © SUPER.KG |
мамлекетке чыкканда ошол жактан кийим
алганга аракет кылам, анткени ал жактагы
кийимдер бизде жок. Меникиндей кийимди
башка бирөө кийип алса кызыктай боло
берем. Эч кимге окшошкум келбейт,
башкаларды туураган жакпайт. Кызык меникиндей кийим кийсе кызыктай болом дейтго отоо мактанчаак жигит экен бул атактуулукту которо албайт экен. Азыркы ырчылар ырдап компьютерден ундорун ондоп койот экен Нурландын жандуу койгон концертинде уну жакшы эмес экенин билдим.
Гезиттин ар санына ушул рубрикага чыгып жатат: http://www.super.kg/article/theme/14
Сунушуңузга рахмат, дагы ушул сыяктуу сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикир, сунуш же суроолор болсо info@super.kg же admin@super.kg электрондук даректерине жөнөтүп жүрсөңүз.
Мынчалык мактангандын кереги жок да.
Барган сайын баркы кете баштады Нурландын дагы.
Айдин Шер тууралуу маалымат берип койсонуздар. Корунбой кетти го
Айдин Шер тууралуу жазылган: http://www.super.kg/article/show/31319
Дүйшөмбү күнү саат 9:00дө жарыяланат.