Камчыбек Ташиев, Адахан Мадумаров, Өмүрбек Суваналиев жана башкалар "Оппозициялык күчтөрдүн биримдиги" деп бириккенин билдиришти. Булардын катарына Ахматбек Келдибеков да кошулушу мүмкүн экендиги айтылууда. Коомчулукта дароо суроо туулду. Булардын максаты эмне? Адахан Кимсанбаевич бир катар маалымат булактарына: «Биз бийлик үчүн эмес, Кыргызстанды азыр батып бараткан саздан кантип сактап калабыз деген платформанын айланасында биригип жатабыз»,- дейт. Камчыбек Ташиевдин «Ата Журт» партиясы Бабановго кол шилтеп, жергиликтүү шайлоого өзүнчө барганы жатат. Адахан Мадумаров болсо парламенттик шайлоодон кийин «үмүттөрдүн баары талкаланды» деп өкүнгөнүн жашырган эмес. Демек, бул устуканын тарттырып жиберип умсунуп калгандардын биригүүсүбү деген суроо жаралат.

Мирлан Өмүралиев
politika@super.kg