ЛОДОЧКА
Актуалдуулугун жоготпогон классикалык бут кийим. Кече көйнөктөрүнөн сырткары капри жана чапташкан жынсы шымдар менен жакшы жарашат. Ал эми кенен шым, узун юбкалар менен кийбей эле койгон оң.

ДЕРБИ
Мырзалардын дерби аталышындагы бут кийими кэжуал стилинде. Бут кийимдин бул түрү жынсы жана жарым классикалык стилдеги шымдар менен жарашат.

БАЛЕТКА
Такасы жок жалпак, басканга ылайыктуу балеткаларды чолок жынсы шым, лосина, көйнөк, сарафан, юбка, туника менен кийген туура.

ТОПСАЙДЕР
Топсайдер аталышындагы бут кийимдер боосу менен жана боосу жок да болот. Классикалык кийимден башка стилдегилер менен жараша берет.

МОКАСИН
Мокасин жеңил, жумшак, жалпак бут кийим. Байпагы жок деле кие берсе болот. Көчөгө, эс алууга чыкканда спорттук костюм, жынсы шымдар менен кийсе жарашыктуу.

БОТИЛЬОН
Ботильонду кыры чыккан классикалык шымдар менен кийүүгө болбойт. Узун көйнөк, капри, бриджи менен жакшы жарашат.

СЛИПЕР
Слипер бут кийимин илгери Англиянын жентльмендери пижама, халат менен кийишкен. Аталган бут кийим териден, баркыттан, замшадан тигилет. Эч кандай байламасыз, кооздук үчүн жабыштырылган темир-тезеги жок слипер пижамага окшош кенен жана кыска шымга туура келбейт. Булардан башка бардык кийимдер менен жарашат.

КӨП КИЙИЛГЕН БУТ КИЙИМДЕР

ЧЕЛСИ
Челси бут кийимин кыздар чапташкан жынсы шым, лосина, кыска көйнөк, юбка менен кийишсе, мырзалар жынсы шым кийип, багелегин түрүп алышса жакшы жарашат. Бирок кенен жынсылар менен жараштыруу аракети эч качан окшошпойт.

ДЕЗЕРТ
Дезерт бут кийими рубашка, пиджак, жакет, чапташкан шымдар менен жакшы жарашат. Кыздар бул бут кийим менен чоң сумка көтөрүп, узун байпак кийип алышса стилдүү көрүнүшөт.

ОКСФОРД БУТ КИЙИМИ
Оксфорд бут кийими 19-кылымдын башында Оксфорддо пайда болгон. Мындай бут кийимдерди костюм-шым, смокинг менен кийүү туура.

МАРТИНС
Мартинс бут кийимин бутка чапташкан шым, кыска юбка же көйнөк, чолок шымдар менен кийүү туура.

КОНВЕРС
Жынсыдан тигилген конверс бут кийимдери кыска юбка, көйнөк жана лосина менен жакшы жарашат.

ЛОФЕР
АКШда пайда болгон лофер кийгенге, чечкенге оңой бут кийим. Мындай бут кийимди кэжуал стилинде классика менен спорттук кийимди айкалыштырып кийсе болот.

Кийимдер "Rodi Mood", ал эми
бут кийимдер "ETOR" дүкөнүнө таандык.

Сүйүн Кулматова
Адилет Бектуров
kenesh@super.kg