Учурда мода дүйнөсүндө лук деген сөз популярдуу. Мода дүйнөсүн мыкты өздөштүрүү менен өзгөчө стили, кийимдердин долбоорун көркөмдөп түзүү жаатында билими бар актриса Эланора Аликова учурдагы актуалдуу луктар туурасында айтып берет.

– Чынында учурда муну менен тигил кийимди гана кийүү керек деген эреже жок. 2-3 стилди аралаштырып кийинүү учурдагы моданын талабы. Эң негизгиси сиз кайсы жакка бара жатасыз, мына ушул суроого так жооп болгону гана жетиштүү. Ошого ылайыктап кийинип аласыз. Бут кийим сатып алууда теринин өңүндөй боз бут кийим сатып алсаңыз ал бардык кийимдер менен жараша берет. Сумка сатып алууда орточо көлөмдүүлөрүнө басым жасасаңыз, аны дагы каалаган жериңизге көтөрүп кете бересиз.

Look-англис сөзү. Бизче "сырткы көрүнүш, образ" деген маанини түшүндүрөт. "Кийимдер топтому" деген да маанини алып жүрөт.

Шарттуу белгилер:

Сунушталат
Сунушталбайт

КӨЧӨГӨ



Жынсы жана кара өңдөгү классикалык шымдар дайыма актуалдуу. Үстүнө ар кандай түстөгү кофта, футболка, майка, блузка кийсеңиз жараша берет.
Көчөгө кийүүдөн сырткары сейилдөөгө, окууга, дресс-коду жок жумушка, киного (курбулары менен).
Жолугушууга, киного (жигити менен), концертке, иш-чараларга, ар түрдүү кечелерге, түнкү клубга.

Сумка

Клатч, классикалык сумкалардан башка бир түстөгү сумкалардын бардык түрү.

Бут кийим

Слипон, босоножка, туфли
Спорттук бут кийимдин бардык түрү

Чач жасалга

Кечелерге жасалган чач жасалгадан башкасынын бардыгы жарашат.

ЖОЛУГУШУУГА



Узундугу тизеден, тизеден бир аз ылдый көйнөктөр көпчүлүк кыздарга жарашчу кийимдер.
Жолугушуудан тышкары жумушка, окууга, иш-чараларга, майрамдык кечелерге, киного, концертке.
Сейилдөөгө, жаратылыш коюнунда эс алууга.

Сумка

Клатч, көлөмү кичине классикалык сумкалар.
Рюкзак.

Бут кийим

Туфли, ичке жана бийик такалуу бут кийим, бийик такалуу босоножка.
Спорттук бут кийимдин бардык түрү, мырзалардыкындай үлгүдөгү бут кийимдер.

Чач жасалга

Чач жасалганын бардык түрү болот.

ИШ-ЧАРАЛАРГА



Элеганттуу көйнөктөр сунушталат жана ашыкча кооздуктар, мисалы, шуру, жалтырактар болбошу керек.
Иш-чаралардан сырткары жолугушууга, киного, концертке.
Сейилдөөгө, жумушка, окууга, жаратылыш коюнунда эс алууга.

Сумка

Клатч, кичинекей классикалык сумкалардын бардык түрү.
Рюкзак, чоң көлөмдөгү сумкалар.

Бут кийим

Ичке жана бийик такалуу бут кийим.
Спорттук бут кийимдин бардык түрү, босоножка, балетка, слипон, танкетка, мокасиндер.

Чач жасалга

Чач жасалганын бардык түрү болот.

ЭС АЛУУГА



Спорттук кийимдин саркечин, жактырган түстөгүсүн сатып алсаңыз болот.
Эс алуудан сырткары сейилдөөгө, спорт менен машыгууга.
Жолугушууга, киного, концертке, иш-чараларга, кеңсе жумуштарына, ар түрдүү кечелерге, түнкү клубга.

Сумка

Спорттук сумканын бардык түрлөрү.
Клатч, классикалык сумканын бардык түрү.

Бут кийим

Спорттук бут кийимдин түрлөрү.
Босоножка, туфли, ичке такалуу бут кийим, балетка, танкетка

Чач жасалга

Жайып алуудан башка чач жасалганын баары жарайт.

ЖУМУШКА



Пиджак менен жынсы шым саркеч гана көрүнбөстөн, адамды таасирдүү да көрсөтө алат.
Жумушка кийүүдөн сырткары окууга, киного, иш-чарага, майрамдык кечеге, жолугушууга.
Жаратылыш коюнунда эс алууга, түнкү клубга.

Сумка

Классикалык сумкалардын бардык түрү жана классикалык рюкзак.
Спорттук сумканын бардык түрү.

Бут кийим

Босоножка, туфли, танкетка, ичке жана бийик такалуу бут кийимдер.
Спорттук бут кийимдин бардык түрү, мокасиндер.

Чач жасалга

Чач жасалганын бардык түрү.

Сүйүн Кулматова
Адилет Бектуров
kenesh@super.kg