• КСДПнын депутаты Кыянбек Сатыбалдиевдин ордуна ИРИНА КАРАМУШКИНА мандат алды. 5-октябрда Сатыбалдиев өкмөттүн Жалал-Абад облусундагы өкүлү болуп дайындалган болчу.
  
  
• Кыргызстан АЛТЫНДЫН ЗАПАСЫ БОЮНЧА 100 өлкөнүн ичинен 83-орунга ээ болду. Рейтингди Эл аралык эксперттик уюм чыгарган.
  
  
• Мамлекеттик ишмер ИСХАК РАЗЗАКОВГО "Кыргыз Республикасынын Баатыры" наамы жана "Ак шумкар" төш белгиси берилди. Сыйлыкты кызы Элмира Раззакова алып, үй музейге өткөрдү.
  
  
• Бишкекте 14-октябрдан тарта үйлөрдү ЖЫЛЫТУУ башталат. Былтыр жылытуу сезону 20-октябрда башталган.
  
  
• "Save the Children" ("Балдарды коргоо") уюмунун маалымдашынча, 18 ЖАШКА ЧЫГА ЭЛЕК кыздардын турмуш куруусу боюнча Кыргызстан 144 өлкөнүн ичинен 59-орунда турат. Казакстан 30-орунда.
  
  
• Улуттук банктын маалыматына караганда, ушул жылдын январь-август айларында МИГРАНТТАР Кыргыз мамлекетине 1 миллион 260 миң доллар которушту. Бул көрсөткүч былтыркыдан 143,6 миң долларга көп.
  
  
• Дүйнөлүк экономикалык форумдун маалыматы боюнча, Кыргызстан КООПСУЗ 141 өлкөнүн ичинен 97-орунду ээлеген.
  
  
• Депутат ЖАНАР АКАЕВ педагогикалык адистиктерде окуп жаткан студенттердин стипендиясын 2 эсе көтөрүүнү сунуштады. Муну ишке ашыруу үчүн бюджеттен
  31 миллион сом кошумча каражат керек болот.

Бектур Токтоноев
politika@super.kg