8-февраль күнү Башкы прокуратура өспүрүмдөрдү айрым интернет ресурстарынын терс таасиринен коргоо максатында бир катар иш-чараларды жүргүзөрүн маалым кылып, 7-февралда Бишкек шаарынын Октябрь райондук сотуна арыз берди. Анда айрым интернет ресурстарында жайгаштырылган маалыматты Кыргыз мамлекетинин аймагында жайылтууга тыюу салууну таануу, кирүү жолун чектөө маселеси айтылган.
Эске салсак, өткөн аптада өспүрүмдөрдү өлүмгө азгырып жаткан интернет оюндары коомчулукту дүрбөлөңгө түшүргөн. Балдардын өз жанын кыйган соңку окуялары боюнча Ички иштер министрлиги талкуу болуп жаткан интернет оюндарынын тиешеси жоктугун билдирүүдө. Бул шылтоо менен чиновниктер өздөрүнө карата көп сын айтылчу социалдык тармактарды жабууга аракет кылышпаса болгону.

Бектур Токтоноев
politika@super.kg