ӨКМӨТ БАШЫНДА РОЗА АЙЫМДЫН КОМАНДАСЫ
8-апрелде Элдик курултайдын Борбордук комитетинин мүчөлөрү, белгилүү саясатчылар Убактылуу өкмөттү түзүштү. Убактылуу өкмөттүн төрайымы болуп Роза Отунбаева дайындалды. Бир эле учурда бул өкмөт президенттин да, парламенттин да милдетин аткармакчы. Р.Отунбаеванын орун басарлары болуп Алмазбек Атамбаев (жалпы экономика тармагына жооптуу), Темир Сариев (каржы жана насыя тармагын колго алат), Өмүрбек Текебаев (конституциялык өзгөрүүлөрдү ишке ашырат), Исмаил Исаков (күч органдарын тейлейт), Азимбек Бекназаров (сот жана прокуратура тармагын көзөмөлдөйт) шайланышты.
Убактылуу өкмөттүн негизги милдети – учурда мамлекеттеги кооптуу абалды жөнгө салуу. Элге кайрылуусунда Роза айым убактылуу өкмөт жарым жыл ичинде алдыга коюлган негизги максаттарды, алсак, Баш мыйзамга өзгөртүү киргизип, жаңы парламентти шайлоого шарт түзүү, тарифтерди мурдагы калыбына келтирүү, сатылган стратегиялык ишканаларды мамлекетке кайтаруу жана башка иштерди аркалай тургандыгын билдирди.

---

ӨМҮРБЕК ТЕКЕБАЕВ -

Акаевдик режимде да, бакиевдик режимде да оппозиция лидерлеринин сап башында келген саясатчы Өмүрбек Текебаев буга чейин облустук губернатордун орун басары, Жогорку Кеңештин депутаты, ЖКнын төрагасы кызматтарын аркалаган. Ошондой эле Кыргызстандын эң кубаттуу саясий партиясы “Ата Мекендин” негиздөөчүсү жана төрагасы.

“Ак шумкар” саясий партиясынын жетекчиси, белгилүү саясатчы. Буга чейин Жогорку Кеңештин депутаты болгон. 2009-жылы Бирдиктүү оппозициядан чыккандыгын жарыялап, президенттикке өз талапкерлигин коюп, ат салышты.

Кыргызстандын Социал-демократтар партиясынын негиздөөчүсү жана лидери. 2005-жылдагы төңкөрүштү ишке ашыргандардын бири. 2005-жылы Кыргызстандын Соода, өнөр жай жана туризм боюнча министри болуп дайындалып, 2006-жылы өз арызы менен кызматтан кеткен. 2007-жылы премьер-министрлик кызматка келип, ушул эле жылдын аягында кызматтан кеткен.

АЗИМБЕК БЕКНАЗАРОВ -

ЖКнын экс-депутаты, 2005-жылдагы ыңкылаптан кийин Башкы прокурор кызматын аркалаган. Акаев бийлиги учурунда Үзөңгү-Кууштун Кытайга сатылышына тикелей каршы болуп, элди баштап чыккан. Акаев бийлиги камакка алганда Азимбек мырзаны абактан бошотуу үчүн уюшулган окуяда Аксынын 6 азаматы окко учкан.

---

ИСМАИЛ ИСАКОВ -

Экс-депутат, мурдагы Коргоо министри, Коопсуздук кеңешинин катчысы. Коопсуздук кеңешинде 6 ай иштеген соң Бакиев бийлиги менен иштей албасын айтып, өз ыктыяры менен кызматтан кеткен. Оппозициянын катарына кошулган генерал И.Исаковго бийлик жалаа жаап, 8 жылга эркинен ажыраткан. 7-апрелдеги элдик ыңкылапта эл тарабынан абактан бошотулду.

Болот Шерниязов - Ички иштер министринин милдетин аркалайт.

Дүйшөн Чотонов - Өзгөчө кырдаалдар министринин милдетин аткарат.

Кеңешбек Дүйшөбаев - Улуттук коопсуздук кызматынын башчысынын милдетин аткарат.

Дамира Ниязалиева - Саламаттыкты сактоо министринин милдетин аткарат.

Иса Өмүркулов - Бишкек шаар башчысынын милдетин аткарат.

Эдил Байсалов - Убактылуу өкмөттүн башчысынын Борбордук аткаруу комитетинин аппарат башчысы.

Эмил Каптагаев - Убактылуу өкмөттүн аппарат башчысы.

Адыл Эсенбеков - Нарын облусунун губернатору.

Карамат Орозова - Баткен облусунун губернатору.

Кушбак Тезекбаев - Ош облусунун губернатору.

Камчыбек Ташиев - Жалал-Абад облусунда митингге чогулгандар элдик губенаторлукка К.Ташиевди көрсөтүштү. Бирок убактылуу өкмөт беките элек.

Шералы Абдылдаев - Талас облусунун губернатору.

Кубат Оторбаев - УТРКнын башкы директорунун милдетин аткарат.

P.S. Өкмөттүн курамы жакынкы күндөрү толукталмакчы.