(Жакут Сыдыков жана Наргиза Айтемирова)

– Алло, бул ким?
– Кимди издедиң?
– Тааныдыңбы?
– Жылдыз белең?
– Ооба, мен жылдызыңмын жанашпаган,

Сырды издедим.

– Кечириңиз, ким дедиңиз?
– Бир сулуунун тирегибиз,
Азыр бойдок, башыбыз бош.
– Бош орунга гүл эгиңиз.

– Ой, ой, ой, карындаш, андай дебеңиз,
Сүйлөйбүз ошондой, неге кыз
Кырк үйдүн тыюусу болсо, биз
Жаныңа кандай келебиз?
Кел сырдашалы, кел сырдашалы,
Кошулсун биздин күнүбүз.

– Ой, ой, ой, агатай, андай дебеңиз,
Кандай айт, ошондой көнөбүз.
Баркымды бил, баалай алсаң сен,
Багыңа карай көрөбүз.
Кел сырдашалы, кел сырдашалы,
Кошулсун биздин күнүбүз.

– Канчада экен чын жашыңыз?
Сулуулардын сырдашыбыз.
Кыздын жашын сурабайт го,
Кай жылкы эле курдашыңыз?
Курдаштарым келсе жүзгө,
Менин жашым он сегизде.
Азыр эле жолуксам дейм,
Мейли ишен, мейли ишенбе.

– Жок, жок, жок, агатай, андай дебеңиз,
Кандай айт, ошондой көнөбүз.
Баркымды бил, баалай алсаң сен,
Багыңа карай көрөбүз.
Кел сырдашалы, кел сырдашалы,
Кошулсун биздин күнүбүз.

– Ой, ой, ой, карындаш, андай дебеңиз,
Сүйлөйбүз ошондой, неге кыз
Кырк үйдүн тыюусу болсо, биз
Жаныңа кандай келебиз?
Кел сырдашалы, кел сырдашалы,
Кошулсун биздин күнүбүз.

«АБИТУРИЕНТ МЕНЕН ШААРДЫК ТУУГАНЫНЫН ЫРЫ»
(Пародия)

– Алло, бул ким?
– Кимди издедиң?
– Тааныдыңызбы?
– Тууган белең?
– Ооба, мен бөлөңүзмүн катташпаган,

Сизди издедим.

– Кечириңиз, ким дедиңиз?
– Каякта эле дарегиңиз?
Азыр барам, жүрөмүн бош...
– Бошобойм мен, эртең келиңиз!

– Ой, ой, байкеси, андай дебеңиз,
Сүйлөшсөк болот эле биз,
Кырк сом эле калды чөнтөктө,
Маршрутка менен эптеп жетебиз.
Бир чер жазалы, бир сырдашалы,
Каякта сиздин үйүңүз?

– Ой, ой, тууганым, андай дебеңиз,
Азыр биз бир жакка кетебиз.
Башка күнү келгин үйүмө,
Калганын дагы көрөрбүз.
Жолго чыгалы, жолго чыгалы,
Эптеп сиз бир жерге түнөңүз.

– Канчада келесиз, жашырбаңыз?
Эт ала келгем, алып калыңыз.
Ал-жайды эч сурабайсыз го,
Жакшы жатат туугандарыңыз.
Чоң таенем чыккан жүзгө,
Менин жашым он сегизде.
Окуганы шаарга келгем,
Мейли анда, ак жол сизге.

– Жок, жок, тууганым, андай дебеңиз,
Кандай айт, ошондой көнөбүз.
Күтө тур, үйгө келсең сен,
Бат эле кайра келебиз.
Кел сырдашалы, кел сырдашалы,
Кошулсун биздин күнүбүз...

– Ой, ой, байкеси, андай дебеңиз,
Конокко кечикпей жөнөңүз.
Кырк кило эт бар эле, биз
Кийин да дагы келербиз.
– Кел сырдашалы, кел сырдашалы,
Сен үчүн ачык үйүбүз...

Асхат Субанбеков
star@super.kg