«Так талашуу оюну» сериалынын күйөрмандары үчүн жакшы жаңылык бар. Жон Сноунун ролун ойногон Кит Харингтон Игриттин образын ачып берген кесиптеши Роуз Леслини кечки тамакка чакырып колун сурады. Бул тууралуу түгөйлөр жакында эле туугандарына, досторуна жарыя кылышкан. Эки жаштын ортосундагы сезим 2012-жылы сериалды тартуу учурунда тутанган. Бирок алар төрт жыл бою өздөрүн жөн гана кесиптештер катары алып жүрүү менен мамилелерин жашырып келишкен. Азырынча үйлөнүү тойдун датасы белгилене элек.