Кыргыз Республикасынын куралдуу күчтөрүнүн Башкы штабынын подполковниги кыргыз-казак чек арасында баңгизат менен кармалды. Аталган маалыматты Башкы штабдан тастыкташты. Маалыматка караганда, подполковник У.А. 15-октябрда кыргыз-казак чек арасындагы «Ак-Жол» көзөмөл-өткөрүү бекетинен кармалган. Кыргыз офицерлери Казакстанга Жамааттык коопсуздук келишим уюмунун (ЖККУ) атайын машыгуусуна бара жатышкан. Учурда аталган факт боюнча кылмыш иши козголуп, Казакстандын Кордай районунун сотунун чечими менен айыпталуучу 1 айга камакка алынды. Аталган кылмыш иши боюнча Башкы штаб да кызматтык иликтөө ишин жүргүзүүдө.