Президент Алмазбек Атамбаев журналисттерди 7-ноябрь – Басма сөз жана маалымат күнү менен куттуктады. Куттуктоосунда: «Баарыбыз дүйнөнү маалымат башкарган заманда жашап жатабыз. Айтылган кабар адамдын, коомдун жана мамлекеттин маанайына, жүрүм-турумуна жана чечимине таасир эткен зор күчкө айланды. Кесипкөй журналисттер менен катар ар бир адам коомдук пикирге таасир эте алчу кудуретке ээ болуп отурат. Азыр Кыргызстан үчүн тынчтык, туруктуулук, элдин ынтымагы баарынан кымбат. Ошондуктан журналисттер да баарыбыздын мекенибиздин келечеги үчүн жоопкердикти бөлүшүүгө милдеттүү»,- деп билдирген.
Ошондой эле президент Алмазбек Атамбаевдин «Супер-Инфо» гезитине ыраазычылык каты тапшырылды. Өлкө башчысы катында гезитке «конструктивдүү жана үзүрлүү кызматташтыгы үчүн» ыраазычылык билдирген.