Кыргыз Республикасынын Эл артисти, кинорежиссёр, сценарист Актан Арым Кубаттын мыкты актёр да экенин өзүнүн тасмаларындагы аткарган ролдорунан көрүп жүрөбүз. Актёрлук чеберчилиги үчүн АКШнын Лос-Анжелес шаарында өткөн Бүткүл дүйнөлүк Азия тасмаларынын III фестивалында Актан Арым Кубат "Кентавр" тасмасындагы ролу үчүн "Эркектин мыкты ролу" наамын жеңип алды.
Буга чейин чет элдик бир топ сыйлыктарды өңөрүп келген "Атанын керээзи" тасмасы да бизди кубантты. Сценарийин жазгандардын бири Дастан Жапар уулу: «1-7-ноябрь күндөрү Москва шаарында болуп өткөн эл аралык «Лучезарный Ангел» ХIV кайрымдуулук кинофестивалында "Эң мыкты дебют" наамын алдык. Фестивалга катышуу үчүн 460 тасманын жаратуучуларынан арыз түшкөн»,- дейт. Кинонун дагы бир режиссёру Бакыт Мукул тасма 16-сыйлыгын алганын айтып кубанды.

star@super.kg