17-декабрь күнү Болливуд жылдызы, актёр Санджай Датт Твиттерге «жаңы күн, жаңы тасма» деген билдирүү калтырып, Бишкекте башталган тартуу аянтындагы сүрөттөрүн жүктөдү. Маалыматка ылайык, Чүй облусунун аймагында индиялык режиссёр Гириш Малик жаңы боевик тасмасын тартып баштады. Анда Болливуд жылдызы, модель Наргис Факхри менен актёр Санджай Датт башкы ролду жаратышууда. Сюжетке ылайык, Ооганстанда (тасмада Кыргыз өлкөсү Ооганстан болуп чагылдырылат) кичинекей балдарды террорист-жанкечтиликке даярдачу жай бар. Наргис Факхри офицер Санджай Даттын сүйүктүүсү жана бей өкмөт уюмдун кызматкеринин ролун жаратып, жанкечти балдарга кам көрүп, согуштан кийин Ооганстанды калыбына келтирүүгө жардам берет.

Белгилей кетсек, индиялык модель, актриса Наргис Факхри 2011-жылы «Рок-жылдыз» тасмасына алгачкы жолу тартылып, мыкты дебюту үчүн бир нече сыйлыкка татыган. Ал эми Санджай Датт «Рокки» тасмасы аркылуу белгилүү болгон.

star@super.kg