• Бишкек шаарында №2-жаңы ТРОЛЛЕЙБУСТУК КАТТАМ ачылды. Ал Аламүдүн-1 кичи районунан Фрунзе заводуна чейин каттайт.
• Каракол шаардык кеңешинин депутаттары мэр ДАНИЯР АРПАЧИЕВге ишенбөөчүлүк
  көрсөтүү чечимин кабыл алды.
• КОРРУПЦИЯЛЫК ИШТЕРДЕН өндүрүлгөн каражаттар үчүн ачылган эсепке 234 миллион сомдон ашык каражат түштү.
• III ДҮЙНӨЛҮК КӨЧМӨНДӨР ОЮНДАРЫНДА билеттин баасы 400 сомдон 5000 сомго чейин жетерин өкмөттүк аппарат билдирди.
• Президент СООРОНБАЙ ЖЭЭНБЕКОВ 30-июлда бир жумалык эмгек өргүүсүнө чыкты. Өлкө жетекчиси Ысык-Көлдө эс алат.
• Президенттик аппараттын алдында БАЛДАР ҮЙЛӨРҮ системин жана интернат тибиндеги мекемелерди реформалоо боюнча жумушчу топ түзүлдү.
• "Балдарга 6 айга чейин эмчек эмизүү ЫМЫРКАЙЛАРДЫН ӨЛҮМҮН 25 пайыздан 40 пайызга чейин азайтат",- дейт Эне жана баланы коргоо улуттук борборунун жетекчиси Камчыбек Узакбаев.
• Кара-Кулжада короодогу койлорго ЭКИ АЮУ КОЛ САЛЫП, 67 баш койду чайнап өлтүрдү.
• Президент СООРОНБАЙ ЖЭЭНБЕКОВ 1654 адамды Кыргыз Республикасынын жарандыгына кабыл алуу, ошондой эле 1170 адамды Кыргыз жарандыгынан чыгаруу жөнүндө жарлыкка кол койду.
• Өлкөдө учурда 1171 бейтап ГЕМОДИАЛИЗ жабдуусунун кызматын пайдаланат. Бул тууралуу Саламаттыкты сактоо министрлиги билдирет.
• Ысык-Көлдө таксист ОРУСИЯ ЖАРАНЫН 7 жаштагы кызы менен кошо сабады. Облустук милиция билдиргендей, кылмышка шектүү кармала элек.
• Бишкекте Ленин райондук сотунун имаратында Жаза аткаруу мамлекеттик кызматына караштуу Кайтаруу жана күзөтүү департаментинин жоокери ӨЗҮН-ӨЗҮ АТЫП каза болду.

Автандил Добулбеков
politika@super.kg