• Чолпон-Атада 3-сентябрда Түрк тилдүү мамлекеттердин башчыларынын кызматташтык кеңешинин САММИТИ ӨТӨТ.
• Акыйкатчы институту акыйкатчы кызматына бул мекеменин көп жылдан берки кызматкери УРМАТ АРАЛБАЕВдин талапкерлигин сунуштады.
• Бишкек-Жалал-Абад аба каттамы 2 аптага чейин УБАКТЫЛУУ ТОКТОТУЛДУ. Муну “Тез жет” авиакомпаниясы окуу жылына карата Бишкек-Москва каттамына учактарды көбөйтүүгө туура келип жатканы менен түшүндүрдү.
• Бишкекте Токтогул Сатылганов атындагы улуттук ФИЛАРМОНИЯДАН өрт чыгып, 200 чарчы метрдей аянт күйүп кетти.
• Бишкекте “Ата Түрк” сейил багында ӨРТ ЧЫГЫП, 3 миң чарчы метр аянт күйүп кетти.
• Жер тилкесин мыйзамсыз берүү кылмышына шектелип кармалган Бишкектин мурдагы биринчи-вице-мэри РЕНАТ МАКЕНОВ үй камагына чыгарылды.
• Жогорку Кеңештин кезектеги сессиясы 4-СЕНТЯБРДА ишин баштайт.
• III Дүйнөлүк көчмөндөр оюндары жана түрк тилдүү мамлекеттердин кызматташтык кеңешинин саммитинин жүрүшүндө коомдук тартипти камсыздоого 6 МИҢДЕН АШЫК милиция кызматкери тартылат.
• Биринчи Май райондук соту Бишкектин мурдагы мэри Албек Ибраимовду 28-октябрга чейин, Жогорку Сот экс-премьер САПАР ИСАКОВду 5-октябрга чейин камакта калтырды.
• Бишкекте №6-жаңы ТРОЛЛЕЙБУС КАТТАМЫ ачылды. Бул каттамдын акыркы аялдамалары 8-кичи району менен Батыш автобекети болот.
• “Ата Мекен” партиясынын лидери ӨМҮРБЕК ТЕКЕБАЕВ дарылануусун Улуттук кардиология борборунун неврология бөлүмүндө улантууда.
• Экс-премьер ЖАНТӨРӨ САТЫБАЛДИЕВ дарыгерлердин текшерүүсүнөн өтөрүн УКМК билдирди. Сатыбалдиев 2013-жылы жүрөгүнө операция жасалганын, маал-маалы менен текшерүүдөн өтүп турушу керектигин айтып даттанган.
• Президент Сооронбай Жээнбековдун буйругу менен маркум журналист УЛАНБЕК ЭГИЗБАЕВге “Эрдик” медалы ыйгарылды.
• Өлкөдө автоунаа, турак жай жана жер салыгын төлөө мөөнөтү 4-СЕНТЯБРГА чейин узартылды.
  

Автандил Добулбеков
politika@super.kg